مشكلة مصر فى اعين الناس

قال مرتضي منصور، الرئيس السابق لنادي الزمالك، إن مشكلة مصر تكمن في الأحمدين: أحمد عز «القصير» وأحمد نظيف «الطويل».
وأضاف منصور في تصريحات للصحفيين علي هامش مؤتمر الاستثمار الذي دعته إليه جمعية رجال الأعمال بالإسكندرية بحضور المحافظ وكبار رجال الأعمال والسفراء والقناصل، مساء أمس الأول، أنه- مرتضي- حينما التحق كعضو بمجلس الشعب لم يكن يحب كمال الشاذلي لكنه وجده يخدم النواب.. وقال منصور : «وأحمد عز لما بيحب يخدم أو يجامل حد من النواب في فرح ابنه أو أي مناسبة يبعتله 10 طن حديد عشان يبيعهم» وعندما سألته «البديل»: معقول؟ وأقسم: «والله العظيم»، وتابع منصور: «الخوف إن أحمد عز يطمع في رئاسة الجمهورية بعد فرض سيطرته علي مجلس الشعب وعلي المجالس المحلية التي باتت تضم كل أعضائها تقريباً من رجاله». وهاجم منصور رئيس الوزراء واتهمه بمجاملة حسن صقر وتعيينه رئيسا للمجلس القومي للرياضة لأنه كان زميلاً له في كلية الهندسة ولكونه طويل القامة مثله. واتهم منصور نظيف بأنه كان وراء حبسه في قضية سب وقذف المستشار السيد نوفل، رئيس مجلس الدولة السابق، وبرر منصور موقف نظيف منه بسبه هجومه عليه بعد أن قال نظيف للرئيس بوش أثناء زيارته للولايات المتحدة إن الانتخابات في مصر جري تزويرها، وقال منصور إنه سأل نظيف لماذا لم تحاسب حبيب العادلي وأنت رئيسه المباشر أم أنك تنافق بوش؟ ونفي منصور أن يكون للدكتور زكريا عزمي، رئيس ديوان رئيس الجمهورية، دور في حبسه وقال: «زكريا عزمي مالوش أي دور في الموضوع ده وماعملش أي حاجة.. يعني حارمي جتتي علي الراجل؟».. ورداً علي سؤال لـ«البديل» حول إحالة منصور ما يتحدث عنه من تجاوزات مجلس الإدارة الحالي للنيابة في حالة نجاحه في الانتخابات القادمة.. قال منصور: «شوف.. علشان نبقي واقعيين لازم نفهم إنه طول ما حسن صقر موجود مش حينفع حد يحاسب مجلس الإدارة الذي يرأسه ممدوح عباس».. وتابع قائلاً: «لأن حسن مش حيقدر يحاسب ممدوح وسلم لي علي فيلا 6 أكتوبر». وأضاف: «وكمان نظيف مش حيقدر يحاسب حسن.. وسلم لي علي سان استيفانو».
وسأل أحد الحضور منصور عن سبب انفعاله المتكرر فقال: «يا أستاذ.. ربنا خلق لكل واحد جهاز عصبي غير التاني. والعصبية دي حاجة من عند ربنا.. يعني ممكن واحد يوقوله مثلاً أبوك مات فيضحك.. وفيه واحد تاني يقولوله الكلب بتاعك مات فيعيط

»


معرفش المشكلة فى مصرنا الحبيبة ايه بالظبط ,مشكلة اقتصادية ولا سياسية واجتماعية بس اى حد هيبص يتامل هيلاقى ان المشكلة فى مصر سياسية اجتماعية اقتصادية كنغولية هندية صومالية وده طبعا عشان مصر ام الدنيا المشكلة فى مصر ان مفيش مشكلة اصلا بس الشعب الفاضى وجرايد المعارضة وكام واحد صايع زى هما اللى عاملين المشكلة وبيقلوا ان فى مشكلة
يعنى مثلا المدونات كلها اتقلبات عشان عمليات التعذيب اللى بتحصل فى الاقسام المصرية (ولا للتعذيب وحاجات كده) وخصوصا الوعى المصرى ,الناس دى متعرفش ان فى دولة اوربية اربع عساكر اغتصبوا واحدة وصحيح الاربعة دول اتفصلوا من الخدمة واتحاكموا وصحيح وزير الدخلية بتاعهم استقال ,صحيح احنا الوزير بتاعنا مستقلش ولا عمره هيعملها وصحيح الظابط متحاكميش غير بطلوع الروح وغالبا فى راى الشخصى هياخد براة عشان وانا كمان شاهد انه برئ براة زليخة من اغواء يوسف عليه السلام
ايه يعنى لما كل كام شهر يتقلب قطر ولا تغرق باخرة ويروح فيها كام واحد غلبان عندهم عيال ومش لاقين ياكلوا ده فى امريكا اللى هى امريكا وكلنا طبعا عارفين امريكا يعنى سوبرمان وتوم وجيرى ورامبوا ,بتحصل عندها كوراث طبيعية بالهبل كل شوية حريق غابات وعواصف بطير البيوت ,واليابان يعنى البلاستشن والذى منه كل كام دقيقة زلزل وبيفطروا على بركان ,وبعدين انا عرفت من مصدر غير موثق منه ان حكومة مصر بتعمل كده مخصوص عشان خاطر العين اللى هى فلقت الحجر ,يعنى الامريكان ولا اليابانين لما يشوفوا مصر كده من غير قطارات عمال تتقلب وبواخر بتغرق شوف هيشتاغلوا قر وحقد والناس دول نفسيتهم وحشة,عشان كده بتعمل الحكومات المتتالية فى مصر على وجود حوادث من الانواع دى على طول وباستمرار
ايه يعنى لما الرئيس بقالوا اكتر من ربع قرن رئيس وغصب عننا وهيفضل رئيس برضه غصب عننا,دانا اسمع ان زمان الرئيس ايام الفراعنة اللى هو فرعون يعنى كان بيفضل يحكم يجى 500 سنة ولا ايه كمان كان بيخلوه اله وانتوا زعلانين على ربع قرن وكام سنة ومن غير تاليه يا عالم اتقوا الله
ايه يعنى لما كام مليون شاب متخرجين من جامعات وقاعدين مش لاقين شغل ,ده فى المريخ وفى بولتوا ودول كواكب جيرننا فى المجموعة الشمسية كل سكانهم عطلين عن العمل وبيروحوا الخليخ بتاع المريخ ويسافروا على اوربا بتاعت بولتوا وبرضه مفيش شغل ,ده كمان اللى اكتر من كده ان مفيش سكان لا فى المريخ ولا بولتوا

ولا ايه المشكلة لما الفساد يبقى مغلف البلد كلها ده حتى ينفع فى الدعاية للسياحة مثلا ممكن نقول زورا مصر بلد بطعم الفساد,وبعدين مش مشكلة يعنى لما تروح تطلع رخصة لما تفتح مخك وتدفعلك 500 جنيه ولا لما تروح تخلص ورقك من اى مصلحة حكومية وتفتح مخك وتوسع ذمتك وتطلع محفظتك وتدفع اللى فيه النصيب , ايه المشكلة فى كده انت بذمتك لما بتروح السوبر ماركت او حتى عند عم حسين البقال مش بتدفع فلوس قبل ما تاخد الشيبسى ولا الحاجة ساقعة ولا حلو للشيبسى والحاجة ساقعة ومش حلو للمصلحة المهمة
كلمة اخيرة هقولها للناس اللى بتقول ان مصر فيها مشاكل ياعالم اتقوا الله
مفيش زى مصر هما ما سمهوش ام الدنيا من فراغ
[size=18] [size=18]

مشكله مصر حاجتين اولا انها بتتسرق ادم عيونا وبتتاخد وبتتباع مننا
ثانيا اننا عارفين واعدين وساكتين ومابنتحركش وبنقول يعنى هانعمل ايه يعنى
اكبر مشاكل مصر
حب السلطة والنفوذ حب الذات والانانية
الاهمال والسلبية والامبالاة
الكسل وانتظار حدوث الكارثة حتى يبحثلها عن حلول
ياخساااااااااااااارة يا مصر


والان ماذا تفعل لو كنت رئيس جمهورية مصر العربية