تيجوا نروح نشيش !!!!

انا النهارده حبيت اطرح موضوع عليكم اعتقد انه مهم جدا جدا جدا
وانتشر بكثره فى الاونه الاخبره فى الجامعات اكتر واكيد كنا بنسمع وبنشوف عنه فياريت
نعرف اراء كل بنات المنتدى وممكن الاولاد ويارب الموضوع يكون مقبول النقاش فيه ان
وطبعا بنات المنتدى بتاعنا بعيد جدا عن الكلام ده بس اكيد بتشوف الكلام ده يلا بقى نخش فى الموضوع ونشوف ارائكم

تحبوا نروح نشيش
ودى الجمله الى بقت اغلب البنات ترددها
البنت عاوزه تفرفرش يا جماعه واقفين ضدها ليه
متبقوش متحاملين عليها اوى كده
نفسى اعرف ايه الى وصل البنات لكده
الواحده منهم داخد صاحبتها وطايران على الكوفى شوب
يقابلوا واحده زميلتهم
رايحين فين يا بنات ... دا احنا رايحين نشيش
بييس اوى انا معاكوا
يعنى هما بيعتبروا كده انهم بنات استايل
والا ده تحضر
والا ده تقليد اعمى للشباب
عاوزين تقلدوا طب م تقلدوا فى الصح
ولو تعرفوا اصلا ان نفس الشيشه الواحد بمقام ميت سيجاره
نفسى اعرف هما ليه بيعملوا فى نفسهم كده
بيستفادوا ايه
دلوقتى الواحد يعدى من جمب اى كوفى يلاقيه مليان بنات
ويمكن عددهم كمان اكتر من الشباب
بس الحق يتقال
مش كل البنات بتشيش ... فى منهم بيشربوا سجاير

ففى كام سؤال كده احب انى اطرحه على الشباب
1- ايه هى وجهه نظرك فى البنت الى بتشيش ؟؟؟؟
2- وياترى هى كده استايل وماشيه مع العصر ؟؟ والا متحرره زياده عن اللزوم؟؟
3- ويا ترى ترضى ان خطيبتك قاعده جمبك وعماله تشيش ؟؟؟

سؤال بقا للجميع
1- ايه هو السبب الحقيقى من وجهه نظركم الى بيخلى البنت تشيش؟؟

ومنتظره ارائكم ونقاشكم فى هذا الموضوع

اعتقد ان المدخن او المدخنه لديه نقص يحاول ان يكمله فهو مريض نفسياوعندما تكون امراه مدخنه فالطامه اكبر واعتقد ان البيت عليه العامل الاكبر في التربيه

موضوع جميل
بالنسبه للاسئله
فجوابها معروف
اى شخص يرفض ان تكون شريكه حياته بهذا الاسلوب
اما الذى يدفع البنت للتشيش هو اما الجو المحيط او اصدقاء السوء

كل مجتمع وليه تقاليده وعاداته
احنا مثلا ننظر الى البنت الى بتشيش بوجه الغرابه
بينما هى فى الوسط التى تعيش فيه تكون الامور عاديه
انا من ضمن الناس الذين يعترضون على فكره تشيش البنت
لان تقاليد وعادات بلادنا لاتسمح بذلك