اساليب الرخامه

موضوع: اساليب الرخامه السبت مارس 28, 2009 4:09 am

بع السلام والرحمه و الرز ابو لحمه ..

الموضوع اسمو اساليب الرخامه يعنى ازاى بقى شاب رخم
بص ياعم اول حاجه علشان تبقى رخم لازم تتحمل اى رد من الخصم يعنى لازم يبقى معندكش دم منعا للاحراج

اول حاجه لو انت ف عربيه زى عربيات بلدنا مثلا ...
لو انت واقف ف العربيه اقعد انفخ و قووول اه يا جدعان رجلى وعلى صوتك و كل شويه قول لوحد قاعد
انت هتنزل فين علشان عايز اقعد كررها بتاع 4 مرات هيقولك تعالى اقعد مكانى و هيقف هوا...
لو انت قاعد بقى دى لذيذه جدا جدا جدا جدا اقعد هز ف رجلك و اضحك و قوول احساس جميل وانت قاعد
و ذل الناس الواقفه ولو هتطلع لسانك يبقى قشطه اوى
لو انت قاعد وفى بنات و قفه من الجنتله انك تقولها تعالى اقعدى بس مش على طول كدا
قولها بسسسسسست يا عايزه تقعدى
من الطبيعى هتقولك ياريت قولها لا مش هتقعدى و طلعلها لسانك وانت قاعد بقى ويبقى كدا صباحو رخمه
لو اتحرجت انك تقولها لا سيبها تقعد و طول السكه افضل عتتها و قولها افتكرى الجمايل و زلها معاك لحد ما تقوم وتسيب المكان والعربيه ويبقى انت كدا زى الفل
ايا سلام بقى لو الحظ لعب معاك و كان التباع بيعد فلووس اقعد قوول ارقام عشوائيه علشان يقعد يعد من تانى
كدا يبقى انت تمام اوى و رزل اخر حاجه
لو انت واقف ف سوبر ماركت وجات واحده تشترى و البقال بيقولك عايز ايه قولو لا خلص الانسه الاول
هيقولك طيب و بيجيب بقى الحاجه للبنت دى قولو ايه ياعم انا مش واقف من الصبح ماتخلصنى انا الاول
ولا علشان هيا بنت يعنى و سيب المحل و امشى وخلى بالك علشان اول ما هترمى البؤين دول احتمال كبير كدا انو يديك ف وشك بأى حاجه ف ايدو
...قول نكته طويله اوى اوى اوى و اما تيجى عند الحته اللى فيها الافيه ( الحته اللى تضحك يعنى )
قول يااااااااااه نسيتها بس كانت جامده اوى
...... حركه كفاءه خليك ماشى ف الشارع وقابلت واحده متعرفهاش بصلها واضحك وقولها ازيك عامله ايه
.....وانت بتتكلم ف موضوووع اقطع كلامك اكنك هتكمل بس ما تكلمش

..............................................................................

موضوع جميل
بس صدقنى لو قعدت تقول رجلى بتوجعنى لغايه ما توصل محدش قايم
حتو لو بعد الشر الرجل مقطوعه